A Festa da Pataca de Coristanco, que este ano acada a súa 39ª edición, protagonizou a primeira reunión entre o novo alcalde de Coristanco, Juan Carlos García Pose, e o presidente da Deputación da Coruña, Valentín González Formoso.
Ambos mandatarios coincidiron na necesidad de revitalizar a festa do produto estrela de Coristanco para facela máis técnica, máis cultural e máis gastronómica. Neste sentido, estudáronse posibles vías de colaboración entre os organismos para "potenciar" e "revitalizar" a Festa da Pataca.
García Pose explicou que o seu goberno xa comezou os trámites para que sexa declarada Festa de Interese Turístico. Neste sentido, explicou que este ano o evento contará con xornadas técnicas na que participarán expertos franceses e españois para abordar cuestións coma novas técnicas de cultivo ou melloras no proceso de comercialización, así como sesións de showcooking e actividades culturais paralelas.
González Formoso valorou positivamente a intención do rexedor de potenciar a festa de exaltación do produto local por excelencia de Coristanco e ofreceu a colaboración da Deputación, a través das distintas liñas de subvencións da institución provincial.