O
curso de verán “Termalismo: espacios termales” da Universidade de Vigo
desenvolveuse ao longo desta semana en diferentes balnearios da comunidade e clausurouse en Santiago. Os participantes neste curso, que conta coa colaboración da Cátedra de Hidroloxía
Médica USC-Balnearios de Galicia, son, na súa maioría, empresarios colombianos do sector termal, ademais de laboratorios, firmas hoteleiras, investigadores universitarios e representates do goberno do departamento de Caldas, que está irmandado coa localidade galega de Caldas de Reis. .
No país colombiano os
balnearios son espazos fundamentalmente recreativos, orientados ao lecer, mentres
que en Galicia se potencia a saúde e o benestar. Por esta razón buscan coñecer
o modelo termal da nosa da comunidade co fin de poder transformar e impulsar o
sector no seu país e reorientalo cara a unha perspectiva máis terapéutica.
A
través deste curso a delegación colombiana tivo a oportunidade de coñecer a riqueza
das aguas mineromedicinais de Galicia, así como os seus centros termais e os facultativos
médicos e técnicos que traballan no sector. Ademais, achegáronse a boa parte
dos balnearios galegos co fin de afondar no seu funcionamento e nas principais
técnicas que empregan.
O
director do curso é o profesor José Luís Legido, catedrático de Física Aplicada da Universidade de Vigo. sinala que
“Galicia é un referente mundial en termalismo pola diversidade das súas augas
mineromedicinais e polo potencial dos centros termais e dende Colombia están
moi interesados en coñecer o noso modelo para implantalo alí, onde posúen tamén
unha enorme riqueza de augas”.