O alcalde de Vigo, Abel Caballero, manterá este xoves unha reunión coa secretaria de Estado de Turismo, Isabel María Oliver Sagreras, para darlle o derradeiro impulso á declaración da Reconquista como Festa de Interese Turístico Nacional.
"Mañá vou a estar na Executiva do PSOE que convocou Pedro Sánchez, onde estou como alcalde de Vigo e presidente da FEMP, e tamén terei unha xuntanza coa secretaria de Estado de Turismo para lograr a declaración da Reconquista como Festa de Interese", sinalou o rexedor na súa comparecencia ante os medios de comunicación.
Caballero indicou que "a ministra xa me dixo que estaba todo preparado e listo, mañá será oficial e festa que patrocina en exclusiva o Concello de Vigo terá máis festa que nunca".