O Instituto Geológico y Minero de España (IGME) e a Cámara Oficial Mineira de Galicia, a través da plataforma Minaría Sostible de Galicia, promoven a posta en valor do patrimonio e da historia da minaría e a xeoloxía. Para iso impulsaron estudos e publicacións con alto potencial de ser aproveitadas como base para un uso turístico nos concellos con pasado mineiro, coa base das súas instalacións e as características do seu solo.
A xornada ten como obxectivo achegar aos técnicos de turismo, Grupos de Acción Local (GAL) e Axentes de Desenvolvemento Local (ADL) de concellos con pasado mineiro de Galicia as enormes posibilidades do turismo industrial e mineiro.
O evento contará coa colaboración de Turismo de Galicia (Consellería de Cultura) e a Dirección Xeral de Minas e Enerxía (Consellería de Economía, Emprego e Industria).