Coñecido popularmente como o banco máis fermoso do mundo, ou "the best bank of the world" segundo o grafiti que o adorna, durante a última década ten protagonizado miles e miles de fotos compartidas nas redes sociais, non é raro atopar unha cola de curiosos agardando a súa quenda para sentarse.
Un lugar emblemático que nos acompaña dende 2009, cando foi colocado por Rafael Prieto Fernández. E para celebrar este primeira década o conselleiro de Cultura e Turismo, Román Rodríguez, visitou esta fin de semana a costa de Loiba. Tamén se celebrou unha misa na honra da Virxe do Carme e unha ofrenda floral en homenaxe aos mariñeiros e mariscadores falecidos no mar.