A Denominación de Orixe Ribeiro vai filtrando os gañadores das diversas categorías dos seus premios que se entregarán o martes 18 de xuño, a partires das 19:30 horas, no Mosteiro de San Clodio (Leiro, Ourense),.na gala que organiza esta denominación que, guiada polos actores Ledicia Sola e Xosé Antonio Touriñán, tamén tamén se entregará o premio “Vida entre Vides” –á traxectoria ligada á D.O. Ribeiro- e recoñeceranse os mellores viños brancos e tintos, de adega e máis de colleiteiro.
En canto aos establecementos hostaleiros premiados este ano son La Sucursal, de Lugo, que recibirá o galardón á “Mellor tenda especializada – viñoteca”, tomando o relevo a La Tienda de Lino (A Coruña), que foi a agraciada no 2018; La Molinera (Lalín) é recoñecido como “Mellor servizo de viño en restaurante”, o pasado ano premiouse a Bacelo Taberna Vinaria (Ourense); e Taberna A Curva, Portonovo, gaña o premio á “Mellor taberna – Bar de viños”, e sucede a Tamarindo (Ourense).
Estes tres locais súmanse a Paradores, “Premio de Honra”; aos programas de Televisión de Galicia Labranza e O Agro, “Premio á Mellor Tarefa de Comunicación”; e a Isabel Mijares “Premio Muller e Viño”, da Denominación de Orixe Ribeiro.
O evento é unha celebración arredor dos viños da Denominación de Orixe con máis historia de Galicia que reivindica o traballo de todos os que os fan posibles e reúne aos profesionais das distintas pólas do sector.