Un grupo de estudantes británicos que participan nun programa de intercambio escolar con alumnos do CEIP Camiño Inglés de Oroso percorren a pé distintos tramos do Camiño Inglés, nun intercambio que permite aos escolares coñecer a importancia histórica e riqueza etnográfica deste itinerario xacobeo.
Os estudantes son alumnos e alumnas da Escomb School da localidade de Bishop Auckland, no condado de Durham, onde a Deputación leva anos tecendo lazos de colaboración institucional, xa que alí se atopan as raíces orixinais do Camiño Inglés.