Bodegas Martín
Códax recolleu o Premio Fulget, un galardón que concede a Facultade de Ciencias
Económicas e Empresariais da Universidade de Santiago (USC) co que se recoñece
a súa colaboración en accións que buscan mellorar as relacións entre a
actividade económica e o entorno profesional. O director xeral de Martín
Códax, Juan A. Vázquez Gancedo, foi o encargado de recoller o galardón, acto enmarcado
dentro do programa da festividade do patrón da facultade, San Vicente Ferrer.
Na
súa intervención, Juan A. Vázquez asegurou que recibir este galardón é toda una
honra para todos os membros da cooperativa, así como tamén o é pasar a formar
parte da lista de empresas premiadas pola Facultade. Vázquez aproveitou tamén
para realizar un agradecemento especial ao xurado, así como tamén ao Grupo de
investigación innovación, cambio estrutural e desenvolvemento (ICEDE) que
dirixe Xavier Vence, quen presentou a candidatura da bodegaá que se adheriu
posteriormente o Máster de Comercio Exterior (Mascomex).
O director xeral de Martín
Códax destacou que se trata do segundo ano consecutivo no que a Facultade de
Ciencias Económicas e Empresariais decide premiar a unha cooperativa, tras
conceder o galardón a Cooperativas Lácteas Unidas (CLUN). Asegurou que “o
cooperativismo segue a ter moito que aportar (...), traballamos para deixarlle
aos nosos fillos un mundo mellor que o que nos deixaron, e mostrarlles que
poden vivir dignamente da agricultura e a gandería galegas, que é un tremendo
patrimonio”.
Para lograr levar a cabo
todos os proxectos, en Martín Códax teñen moi claro que é preciso “contar coas
novas xeracións, cada vez más formadas e preparadas para dar resposta ás
demandas dos consumidores”, por iso dende a cooperativa non só contan cada vez
cun equipo máis novo, se non que tamén colaboran coa comunidade académica con
diferentes iniciativas para contribuír á formación e á experiencia dos futuros
profesionais.
Na decisión do xurado foi
determinante a clara aposta da cooperativa pola innovación e a
sustentabilidade, a través da súa labor de investigación en numerosos proxectos
de I+D+i tanto propios como realizados con outras entidades e adegas a nivel
nacional e internacional. Con este galardón, o xurado tamén busca destacar o
apoio que da cooperativa á vida cultural e artística galega a través das diferentes
iniciativas e patrocinios culturais que realizan ao longo do ano entre os que
destacan os Premios Martín Códax da Música (que dará a coñecer aos finalistas
nunha gala en bodega o vindeiro 24 de abril), o ciclo Os Xoves de Códax(que
este verán sumará a oitava edición) ou o Outono Códax Festival.
Na súa intervención, Juan A.
Vázquez afirmou que na cooperativa “destinamos gran parte
dos nosos recursos á investigación e á lograr a sustentabilidade ambiental, a
través de proxectos tanto propio como colectivos con outras entidades e bodegas
a nivel nacional e internacional, todo para lograr adaptarnos ao cambio
climático e una viticultura sostible”.
Este galardón súmase aos
últimos outorgados á cooperativa, entre eles o Premio Pyme Carrefour á empresa
máis innovadora de Galicia 2018, Mellor Bodega do Ano por Vivir el Vino 2018,
Mellor Grupo Cooperativo pola guía Sin Mala Uva 2016, e Mellor Xestión en I+D+i
2016 outorgado polos Premios Empresariais da publicación especializada Mercados
del Vino y la Distribución.