A área de Turismo da Deputación de Coruña está a desplegar, como ven sendo habitual no departamento que dirixe Xosé Regueira, un amplo programa de actividades na 4ª edición do Fórum Gastronómico 2019 que se celebra en Coruña.
Calidade, variedade, cociña innovadora e creativa con produtos de tempada é a aposta da Deputación para o Fórum que se está celebrando no recinto feiral Expocoruña ata o 12 de marzo.
Catas, maridaxes, presentacións de produtos, sesións de cociña con degustacións ou espazos temáticos con expertos, entre outras fórmulas, compoñen a oferta da Deputación da Coruña nesta nova edición do Fórum.
Como acontece noutras feiras, desde a Deputación da Coruña convídase aos concellos a mostrar a súa singulariedade no noso espazo", explica o deputado de Turismo, Xosé Regueira. D
Durante as tres xornadas a Deputación mostrará no seu propio espazo showcookings de cociña da man dos concellos de Muros e Noia, Mugardos co seu famoso polbo á mugardesa, A Capela coa cata de queixos e por último a participación da asociación "Coruña Cocina" con intervencións de Moncho Bargo, Gorka Rodriguez, Alma Garcia, Antonio Amenedo, Caco Agrasar, Ángeles Marzoa, Pablo Pizarro e Adrián Felípez.
Ademais, o concello de Muros e Noia dedicará o martes unha presentación dirixida por Pepe Senade, arredor da cociña do mar, seguido máis tarde doutra presentación de Fernando Agrasar co título "Tradición".