Os milleiros de visitantes que se achegaron este fin de semana a Feira do Viño de Chantada deron conta duns 20.000 litros de viño. Est é a primeira das feiras que a Ribeira Sacra adica a este sector todos os anos entre finais do inverno e principios do verán.
Chantada celebraba este ano a edición trixésimo sexta edición da súa Feira do Viño, que ten fama de ser a máis multitudinaria de todas. E así foi, pois miles de persoas encheron nas horas punta do venres, o sábado e o domingo a carpa principal do certame, a dos postos das dezaseis adegas participantes.
O pregón de José Manuel Silva foi o acontecemento central da última xornada da feira. Fillo predilecto de Chantada, alto funcionario da Unión Europea con responsabilidades en materia de agricultura viticultura, esta era a terceira vez que pregoaba o certame.