A organización da Feira do Viño do Ribeiro rexistrou 38 peticións para ocupar os postos do certame, ao peche do prazo de inscrición. O número de participantes supón un incremento con respecto ao pasado ano. A feira celebrarase na Alameda de Ribadavia entre os días 3 e 5 de maio.
Os organizadores amósanse satisfeitos e destacan o gran interese no sector por participar no certame vitivinícola da capital do Ribeiro. En base á demanda rexistrada destacan a consolidación da Feira do Viño do Ribeiro como «evento enogastronómico e cultural de referencia».
As actividades comezarán ás 19.00 horas do día 3 de maio e os premios entregaranse o día 5 pola tarde.