A Denominación de Orixe Ribeiro, a través de 15 das súas adegas, participará un ano máis no Salón Internacional de Turismo Gastronómico, Xantar, que se celebrará do 6 ao 10 de febreiro no recinto feiral Expourense. O seu principal obxectivo é o de amosar a singularidade dos seus viños aos visitantes á feira, que o ano pasado alcanzaron os 24.000.
O túnel dos viños de Galicia contará cun total de 31 viños da D.O. Ribeiro, tendo así a maior representación das denominacións de orixe galegas. Este túnel consiste nun espazo reservado unicamente a profesionais do sector para que as adegas dean a coñecer as súas referencias a sumilleres, catadores, hostalería, distribuidores, viñotecas, prensa…
Os viños participantes son 0 por Cento, Celme de Pena Picada, Beade Primacía, Señorío de Beade branco e tinto, Beade Orixes, Farnadas, 932 de Pazo de Vieite, Val de Nairoa, Alberte, Antonio Montero Autor, O Alborexar e O Alborexar 4.0, Canción de Elisa branco e tinto, Casanova, Finca Viñoa, Pazo Casanova, Expresión de Pazo do Mar e Pazo do Mar branco, Gran Alanís, Máis de Cunqueiro Torrontés, Cunqueiro III Milenium e Cunqueiro Centenario branco e tinto, Ramón do Casar Treixadura, Son de Arrieiro branco e tinto, Terra do Castelo Godello, Terra do Castelo Selección e Terra do Castelo Treixadura.
O presidente da D.O. Ribeiro, Juan Manuel Casares, fai referencia a esta participación comentando “no 20º aniversario deste Salón Internacional do Turismo Gastronómico, a D.O. Ribeiro non pode faltar, deixando patente a firme aposta por fomentar a cnosa ultura vitivinícola os miles de visitantes.”