As adegas de la D.O. Rías Baixas serán as primeiras en recibir as medallas individualizadas que as acrediten como triunfadoras das catas HGg&T entre 2013 e 2017, cun acto que terá lugar este luns 19 de novembro ás 19:00 nas instalacións do C.R.D.O. Rías Baixas.
Un total de 33 bodegas están convocadas a esta entrega de diplomas que certifican que obtiveron algunha medalla de ouro ou prata nas catas celebradas neste quinquenio, demostrando que seguiron apostando pola calidade nun período de plena crise.
A cerimonia vén sendo a segunda parte, desenvolvemento, da Gala do Turismo e a Gastronomía de Galicia celebrada no Carballiño na primavera pasada, na que foran proclamadas esas distincións. Naquela ocasión, como se lembrará, fíxoselle entrega aos consellos reguladores e entidades asimilables representantes dos colectivos produtores, as certificacións acreditativas dos podios conseguidos polos seus representados. Agora toca entregar a distinción, individualmente, a cada empresa distinguida no ámbito dos viños, queixos, chacinas, cafés, aceites, cervexas, etc.
A entrega dos diplomas de Rías Baixas abre un completo calendario no que se entregaran as distincións ás máis de 300 marcas distinguidas durante estes anos: o mércores 21 entregaranse os diplomas da D.O. Ribeiro, o luns 26 os da D.O. Ribeira Sacra e os da D.O. Valdeorras, o mércores 28 entregaranse os diplomas ás empresas conserveiras, o 30 de novembro na sede do Agacal entregaranse conxuntamente os diplomas para queixos, cervexas, aceites e o 3 de Decembro os da D.O. Monterrei.
No primeiro trimestre próximo, HGg&T anunciará a convocatoria da Gala do Turismo e a Gastronomía de Galicia 2019, na que se proclamarán os podios das catas celebradas ao longo de 2018, coa que rematarán as celebracións do XXV aniversario da fundación e edición ininterrompida da revista sectorialmente hexemónica no cuadrante noroeste peninsular.