Esta fin de semana celébrase en Vilanova de Arousa o
festival Rockin’ Vila, un festival que sabe a mar, onde a música e a praia convivirán
con actividades gastronómicas como a cata que organizará Paco & Lola mañá
sábado ás 19:30.
Os organizadores pretenden crear unha simbiose máxica entre
festa, cultura e tradición nunha paraxe
única.
Hoxe mesmo abrirá o festival Foxy Freire, seguido por
Barbitúricos e Sés, un dos pratos fortes da noite. Culminarán a noite
Brinkadelia Troupe e Rebelion do Inframundo. Para mañá sábado moitos máis
grupos: Siniestro Total e Terbutalina soan como nomes fortes nunha completa
sesión na que tamén aparecen Sondarúa, Lisdexia, Kings of the Beach, Aula 11,
Funkiwis e Igmig.
A axenda do festival complétase con actividades para nenos,
pasarrúas, actividades acuáticas e unha exposición de embarcacións tradicionais.