Esta fin de semana os amantes da música en vivo non o teñen
nada fácil, solápanse dúas citas de gran nivel. Hoxe mesmo da comezo na Illa de
Arousa o Atlantic Fest e en Praia América o Vive Nigrán.
Dúas citas que destacan pola calidade das súas propostas musicais,
pero tamén polo entorno no que se celebran. O Atlantic Fest aposta este ano por
artistas de éxito internacional como Kaiser Chiefs, The Vaccines ou Rodrigo
Amarante xunto a outros nomes nacionais de gran nivel como La Casa Azul e Iván Ferreiro.
Pero ademais presume da súa ubicación xunto a unha praia con
bandeira azul para coller forzas entre concerto e concerto e do inigualable
marco que lle otorga a Ría de Arousa para pasar unha fin de semana de ensoño
entre hoxe e o domingo.
Pola súa banda o Vive Nigrán trae bandas nacionais
consagradas como Sidonie ou Depedro, pero tamén aposta polas actividades
diurnas e polo disfrute da praia, do mar e de toda a natureza que ofrece o
emprazamento tanto hoxe venres como mañá sábado.
Son citas sen dúbida interesantes, que se unen ao Silfest
Valdeorras que xa comezou onte xoves nas ribeiras do Sil ao seu paso por
Valdeorras.