Buscar/Hemeroteca

lunes, 2 de julio de 2018

As previsión de ocupación estival na provincia de Pontevedra son moi positivas

As estimacións de ocupación hoteleira en Pontevedra Provincia para este verán sitúanse por enriba do 80%", fronte ao 60% que prevé o Clúster de Turismo de Galicia para toda a comunidade, segundo sinalou a presidenta da Deputación de Pontevedra, Carmela Silva.

Segundo precisou portais de reservas como Booking falan xa nestes momentos dun 87% para xullo, dous puntos máis que o ano pasado, e un 88% para agosto e, por outra banda, "moitos establecementos das Rías Baixas xa nos confirmaron que teñen o 100% das prazas cubertas para os dous meses", dixo a presidenta.

Os datos porcentuais de ocupación o ano pasado foron do 87,55% (84% en xullo e 91,1% en agosto), que neste ano poderíanse incrementar nun 30% segundo as previsións de entidades como Feprohos.

Por comarcas, as estimacións que manexa a Deputación de Pontevedra serían dun 77,5% no Salnés (77% en xullo e 78% en agosto), un 75% na comarca de Pontevedra ou un 85% na do Morrazo (80% en xullo e 90% en agosto); Un 86% en Caldas en xullo (mes de celebración do #RíasBaixasFests ‘PortAmérica' con posibilidades de chegar ao 100%) e un 85% en agosto. 

No caso da comarca de Vigo, a ocupación prevista é do 89,5% (87% en xullo e 92% en agosto), 7 puntos máis que o pasado verán. Para o Baixo Miño, un 91% (88% en xullo e 92% en agosto), para o Condado e a Paradanta un 84% (78% en xullo e 90% en agosto), con ata 13 puntos máis que os previstos en 2017, e finalmente un 61,5% para Deza e Tabeirós-Terra de Montes, cun 65% en xullo e un 58% en agosto. 

As estimacións de ocupación no turismo rural, acadan o 69%, é dicir, dous puntos máis que as do verán pasado (67%). Por comarcas, 74% no Salnés, 55% en Pontevedra, 91% no Morrazo, 85% en Caldas, 88% no Baixo Miño, 65% no Condado e a Paradanta e 55% no caso de Deza e Tabeirós-Terra de Montes. 

En canto a vivendas turísticas hai inha previsión do 75% e unha ocupación do 70% durante o mes de xuño, e tamén dos cámpings da provincia cunha estimación do 77% en xullo e o 87% de agosto. En canto ao turismo de cruceiros, o 48% a nivel galego do primeiro semestre do ano "entrou polo Porto de Vigo, polo que a provincia tamén lidera neste tipo de turismo", segundo sinalou a Presidenta da Deputación.

No hay comentarios: