A Asociación Provincial de Empresarios de Hostalería e Turismo de Lugo (APEHL) asinou un acordo de colaboración con Quirón Prevención co obxectivo de garantir importantes descontos para os seus socios na xestión de riscos profesionais e servizos sanitarios. No acto estiveron presentes José Antonio González Reboiro, en representación de Quirón Prevención, e Cheché Real, presidente da APEHL.
Ambas partes acordaron a rebaixa do 10 % de desconto sobre as tarifas de Quirón Prevención en calquera dos servizos que presta, servizo de atención telefónica para resolver dúbidas sobre as prestacións, acceso gratuito a consulta e descarga de novidades lexislativas e atención preferencial para os socios da APEHL nos servizos ofertados por esta entidade. O convenio terá unha duración anual con renovación tácita.