Buscar/Hemeroteca

miércoles, 9 de mayo de 2018

Campaña de vela da Deputación da Coruña

Os concellos de Porto do Son, Carnota, Laxe, Oleiros, Ares e Valdoviño acollerán este ano, entre o 2 de xullo e o 10 de agosto, os cursos da campaña de vela 2018 da Deputación da Coruña. Neles poderán participar rapaces e rapazas entre os 9 e os 18 anos, ambas idades incluídas, pertencentes ao ámbito comarcal de cada un dos concellos que serán sede da actividade.

A rapazada interesada en participar nos cursos deben formalizar xa a inscrición no seu concello, entregando a ficha de inscrición que, pode descargarse da páxina web da Deputación da Coruña (www.dacoruna.gal/deportes ), debidamente cuberta e asinada polos pais ou titores dos solicitantes. A cota de inscrición será de 25 euros.

Nos cursos, que terán unha duración dunha semana en quendas de mañá (de 10 a 14 horas) e de tarde (de 16 a 20 horas), realizarase unha iniciación aos principais conceptos teóricos e prácticos da navegación a vela, así como un curso básico da elaboración de nós mariños. A incorporación e regreso ás instalacións náuticas onde se desenvolverán os cursos correrá por conta dos participantes.

f_ dicoruna.es

No hay comentarios: