Buscar/Hemeroteca

viernes, 29 de diciembre de 2017

Vía Verde Santiago-Cerceda

Os dirixentes da Deputación da Coruña e os concellos de Santiago, Oroso, Ordes, Tordoia e Cerceda aaban de asinar o convenio para o financiamento da redacción do proxecto da Vía Verde que unirá eses municipios. O convenio prevé destinar case 40.000 euros aos traballos de redacción, dos que o 80% serán achegados pola Deputación e o 20% restante polos concellos implicados.

O proxecto da Vía Verde xurdiu en 2008, implicando os municipios de Santiago, Ordes e Oroso. O Goberno compostelán recuperouno neste mandato incorporando os concellos de Tordoia e Cerceda, de xeito que o itinerario verde terá unha extensión de 36,5 quilómetros. Deles, dez quilómetros discorren polo termo municipal de Santiago.

O acordo foi asinado polo presidente da Deputación da Coruña, Valentín González Formoso, e os alcaldes de Santiago, Martiño Noriega; Oroso, Manuel Mirás; Ordes, José Luís Martínez; Tordoia, Antonio Pereira, e Cerceda, José García Liñares.

No hay comentarios: