Coincidindo co popular sorteo de Lotería de Nadal, ás 11 da mañá do 22 de decembro vaise celebrar na praza de abastos de Vila de Cruces a XVIII Feira de Nadal, e con ela a feira gastronómica do "Galo de Curral". A partir das 12 haberá unha degustación ofrecida por varios restaurantes de varios municipios.
É a ocasión de mercar os mellores galos para preparar os guisos nos seguintes días do Nadal. Lonxe de ser un mercado máis, a feira destaca pola calidade dos produtos autóctonos, onde ata fai ben pouco todos os animais eran criados no campo, especialmente os galos, e cuxo resultado son ben reflectidos posteriormente no prato.
Trátase dunha feira que busca selar o seu produto coa certificación da Xunta Indicación Xeográfica Protexida (IXP). A organización busca aumentar as vendas do ano pasado, que ascenderon as 300 pezas.
Segue desta maneira un ronsel similar á da Festa do Galo de Curral do mesmo municipio que tivo lugar na primavera. Nese caso, con XXIV edicións ás súas costas, é unha das festas gastronómicas máis lonxevas e populares que ademais ostenta o distintivo de Festa de Interese Turístico de Galicia.
f_ turismoriasbaixas.com