Buscar/Hemeroteca

lunes, 14 de agosto de 2017

Capsa obligada a cumpir o contrato con Casa Macán

O xulgado do mercantil número dous de Lugo ditou unha pola que obriga a Corporación Alimentaria Peñasanta (Capsa), a filial industrial de Central Leiteira Asturiana (Clas), a cumprir o contrato que asinara coa empresa Casa Macán para a elaboración de queixos, nas súas instalacións de Taboada.

O conflito remóntase a marzo de 2016 cando ambas as compañías rubricaron un acordo para que na quesería de Taboada, que controla Casa Macán, fabricase algúns dos produtos que ata entón viñan facendo na planta de Larsa (marca de Capsa) de Vilagarcía de Arousa (Pontevedra). 

En concreto, elaboraríanse en Taboada produtos como os queixos de teto, o San Simón da Costa, un queixo de bóla, un tipo de queixo do país e un baby.

O contrato entre Capsa e Macán tiña vixencia de dez anos e era prorrogable outros tres. O conflito con Capsa foi duro para Casa Macán porque a empresa xa atravesaba unha complicada situación económica a consecuencia da perda da relación comercial con Mercadona, un proxecto para o que tamén fixera un gran investimento.

No hay comentarios: