Buscar/Hemeroteca

miércoles, 12 de julio de 2017

Música compostelana nas festas do Apóstololo

Martiño Noriega presentndo Compostela É! Música
As festas do Apóstolo co proxecto Compostela É! Música.serán tamén un escaparate para os grupos e artistas de Santiago, que poucas veces teñen a oportunidade de mostrárense en escenarios únicos como a praza do Toural, un total de sete concertos, dende o 25 ata o 31 de xullo.

Por alí pasarán artistas e grupos de Santiago encadrados en moi distintos estilos musicais. Así, o 25 será a vez da Orquestra Xuvenil de Estudio dirixida por José Nine; o 26 de Falúa, e o 27 de xullo de Xosé Constenla e Os Desbadados. O 28 de xullo pasará polo escenario Kelibén, o 29 farao o grupo de pop-indie Esposa, e o 30 Nastasia Zürcher. A última xornada do escenario Compostela É! Músicaserá para The Funkles e as súas particulares versións dos temas dos Beatles. Todos os concertos serán ás 23:00 horas, salvo o do día 31, que comezará ás 24:00 horas.

Ademais, o Concello botou man do censo Compostela É! Música para programar parte das sesións vermú do Apóstolo, que se celebrarán na praza de Cervantes ás 13:30 horas.

Tamén vinculado ao proxecto Compostela É! Música, o 26 de xuño celebrarase o Jam Martiño Pinario. Trátase dun programa que inclúe charlas, actividades para nenos e nenas, e tamén música en directo con artistas de Santiago. Desta vez participarán The Fabulous Resaca Brothers e Balkin´Blues Band. Haberá tamén unha Jam Session, na que poden participar os grupos que o desexen.

No hay comentarios: