Buscar/Hemeroteca

jueves, 22 de junio de 2017

Terras do Avia recibirá 80.000 euros de Turismo de Galicia

Turismo de Galicia asinará un clonvenio de colaboración coa Mancomunidade de Terras do Avia para realizar actividades de promoción e información turística do xeodestino do Ribeiro durante os anos 2017 e 2018, un convenio que suporá un reforzo da promoción nacional e internacional deste xeodestino como destino enoturístico e termal.

En virtude deste acordo, Turismo de Galicia financiará as actuacións obxecto do convenio por un importe de 80.000 euros e incluirá o deseño dun plan de acción para os anos 2017 e 2018 que comprende, entre outras actividades, a edición de mapas de rutas culturais, con planos do territorio do xeodestino e deseño e negociación de produtos como o bus do viño do Ribeiro.

Tamén inclúe a creación e distribución de paquetes termais biosaudables que inclúa estadías e escapadas termais do destino que incorporarán o enoturismo como elemento de valor engadido, así como a promoción en liña e presenza en feiras nacionais e internacionais deste xeodestino.

O xeodestino O Ribeiro está integrado polos concellos de Arnoia, Amoeiro, Avión, Beade, Beariz, Boborás, Carballeda de Avia, Castrelo de Miño, Cenlle, Cortegada, Leiro, Maside, Melón, O Carballiño, O Irixo, Piñor, Pontedeva, Punxín, Ribadavia, San Amaro e San Cristovo de Cea.

No hay comentarios: