Buscar/Hemeroteca

jueves, 1 de junio de 2017

Galicia, destino rural de referencia

Galicia ten unha oportunidade única para consolidarse como destino rural de referencia, cun turismo rural  que se posicione como oferta diferencial no ámbito nacional e internacional, que  incremente os seus niveis de ocupación media e complete a súa especialización turística.
Así o manifestou a directora de Turismo de Galicia, Nava Castro, durante a súa participación na Xornada sobre turismo rural organizada polo Foro Económico de Galicia en Ribadavia. Durante a súa intervención destacou o papel do turismo rural galego como unha das fortalezas do turismo na nosa comunidade que ten ante si, dixo, importantes oportunidades para o seu desenvolvemento e consolidación.

Neste sentido, recordou que se trata dun segmento que acumula tres anos consecutivos de crecemento de demanda que permiten recuperar e mesmo superar os niveis de anos anteriores e marcar tamén un máximo histórico con preto de 420.000 pernoitas en 2016 nos case 600 establecementos de turismo rural que ofrecen máis de 7.300 prazas por toda a xeografía galega.

Ademais, referiuse á boa resposta de experiencias turísticas asociadas ao medio rural, como o Outono Gastronómico, que mestura a natureza coa gastronomía; o turismo ornitolóxico; os centros das rutas BTT, combinando o deporte co medio rural; a ruta da Camelia, a do Viño ou o Bono Iacobus no Camiño de Santiago, entre outras.


No hay comentarios: