Buscar/Hemeroteca

martes, 6 de junio de 2017

A Semana Santa de Betanzos será Festa de Interese Turístico de Galicia

A directora de Turismo de Galicia, Nava Castro, avanzou que a Semana Santa de Betanzos acadará a clasificación de Festa de Interese Turístico de Galicia. Trátase dunha celebración que ano a ano reúne a milleiros de betanceiros e visitantes e que conta cunha gran tradición na comarca que nos últimos anos ampliou considerablemente o número de pasos, procesións e participantes. 

Unha celebración na que destaca a súa procesión de Domingo de Ramos, as conmemoracións do Xoves Santo e Venres Santo e a especial beleza da procesión coñecida como Os Caladiños.

Valores todos eles que, xunto a súa tradición, singularidade, arraigamento e valor cultural a fan merecedora deste novo recoñecemento como festa de interese turístico de Galicia. Un recoñecemento que se atopa nas súas últimas fases, tan só pendente da súa aprobación no Consello da Xunta.

Con este recoñecemento, esta Semana Santa de Betanzos sumarase ás máis de 130 festas de interese turístico coas que conta a comunidade galega, das que 9 son de interese turístico internacional, 11 de interese turístico nacional e 115 de interese turístico galego.


No hay comentarios: