Os colleiteiros do Ribeiro presentan os viños da nova añada

A Asociación de Colleiteiros Embotelladores do Ribeiro vai presentar oa nova colleita dos vinos dos asociados, un total de 41, no Parque Náutico de Castrelo de Miño, o vindeiro venres día 26 de maio as 12:00h, e consistirá nunha exposición dos viños que estarán á disposición dos invitados para a súa degustación. Isto irá acompañado duns pinchos, que estarán ao cargo dos cociñeiros do Grupo Nove: Xoán Crujeiras (Restaurante Bido da Coruña) e Héctor López (Restaurante España de Lugo).

Entre os asistentes confirmados contaremos con chefs e sumilleres da alta cociña galega, cos representantes da Comarca do Ribeiro no Parlamento Galego: Cesar Fernández (PP) e David Rodríguez (Marea), o Presidente da CEO, os Alcaldes e os diferentes representantes dos Concellos da Comarca do Ribeiro (Ribadavia, Toen, Arnoia, Carballeda de Avia, Cenlle e Castrelo de Miño), así como tamén cos diferentes representantes do mundo do viño: o Director da EVEGA, o Subdirector General de La Region, o Presidente da D.O. Ribeiro, o Presidente da D.O Valdeorras, o Presidente do Colexio Oficial de Enxeñeiros Técnicos Agrícolas de Ourense, o Presidente da Asociación Galega de Enólogos, o Preboste da Irmandade dos Vinhos Galegos, a Asociación Gallaecia e o Instituto Galego do Viño.