O Grupo Cidades Patrimonio mostróuse ante o mercado emisor portugués a través da feira de turismo Mundo Abreu, que se celebrou este fin de semana en Lisboa, no recinto FIL Feira Internacional de Lisboa do Parque das Nações.
A Feira de Lisboa considérase o maior evento para a venda anticipada de viaxes en Portugal. A feira tivo unha gran presenza nos medios grazas a unha potente campaña de comunicación e, paralelamente, Mundo Abreu editou un catálogo de 300 páxinas no que os produtos turísticos españois ocupan máis de 70 páxinas. Durante a fin de semana, pasaron polo recinto feiral máis de 130.000 persoas, aumentando cada ano a presenza de visitantes e as vendas.
As Cidades Patrimonio contaron cun mostrador propio dentro da caseta de Turespaña, dende o que o Grupo facilitou material promocional as 15 cidades que forman a rede e atendeu numerosas consultas tanto de profesionais como de público final interesado nos destinos culturais da rede.
Tras un 2016 moi positivo para o sector turístico no noso país, o Plan Operativo do Grupo para 2017 continuará coa liña de promoción, representación e comercialización das 15 cidades baixo o selo de calidade excepcional que outorga formar parte da lista de Patrimonio Mundial de Unesco.
Ademais de levar a cabo diversas presentacións directas en mercado de orixe en Perú, Arxentina, Italia, Bélxica, Reino Unido, Rusia e Polonia, ao longo do ano está previsto participar nas principais feiras do sector, como o Salon des Vacances (Bruxelas), Reisen Hamburg (Hamburgo), Salon Mondial du Tourisme (Paris), WTM Latin America (Sao Paulo), ITB Berlín e WTM Londres, ITB Asia (Singapur), JATA Tokio e CITM China, entre outras.