Turismo de Galicia presentou en Bilbao a campaña promocional Viños
e Camelias, unha experiencia turística creada ao carón da Ruta da Camelia
de Galicia e as adegas que forman parte da Denominación de Orixe Rías Baixas: Este campaña se estenderá durante todo o mes de marzo en Bilbao e durante o mes de abril
en San Sebastián.
O local de Bodega Urbana –especializado en achegar a cultura do viño a todos os
públicos - e no que se presentou a campaña albergará nas súas instalacións un xardín de camelias, xunto a unha
selección dos mellores viños galegos da D.O. Rías Baixas. Tamén se organizarán
alí diferentes catas de viños e se poderá degustar durante todo o mes o mellor
da gastronomía galega no restaurante do local.
“Sen dúbida, esta combinación de viños e
camelias é unha maridaxe perfecta para todo aquel que busque un turismo
evocador de experiencias e emocións, gozando de dous dos recursos máis
exclusivos de Galicia”, explicou Nava Castro durante o acto de presentación, recordando o papel “clave” que teñen ambos os produtos no turismo de Galicia.
A responsable de Turismo da Xunta referiuse á
Ruta da Camelia como referente internacional que permite a todo o que a
percorre descubrir gran parte do noso patrimonio natural, a nosa historia,
gastronomía e tamén os nosos viños, especialmente nas Rías Baixas, lugar que é
“todo un paraíso do viño e das camelias”, indicou Nava Castro.