Buscar/Hemeroteca

miércoles, 29 de junio de 2016

Bloggers peregrinos

Un grupo de cinco bloggers e dous videobloggers do Reino Unido especializados en viaxes e turismo comezan unha visita á Comunidade galega organizada por Turismo de Galicia no ámbito da marca turística España Verde que os levará a coñecer o Camiño do Norte entre Ribadeo e Santiago de Compostela.

O obxectivo desta acción de promoción turística é difundir os valores da Ruta Xacobea entre os cidadáns a británicos a través do traballo destes usuarios especializados das redes sociais e incentivar así as súas visitas á Comunidade galega .

O sete bloggers do Reino Unido chegaron a Ribadeo procedentes de Asturias, desde onde se achegaron ata a Praia das Catedrais para coñecer esta contorna costeira declarada monumento natural. Tamén puideron coñecer Vilanova de Lourenzá, e logo partir a pé para realizar o tramo do Camiño do Norte entre esta localidade e a de Mondoñedo.

Os visitantes británicos tamén teñen previsto achegarse ata Sobrado dos Monxes para coñecer o seu mosteiro e a contorna natural do Concello. A seguinte xornada estará adicada a Santiago de Compostela.

O Camiño do Norte, declarado o ano pasado Patrimonio Mundial da UNESCO, é un dos recursos comúns das catro comunidades autónomas que conforman a marca turística España Verde –Galicia, Asturias, Cantabria e O País Vasco- incluídos no plan de promoción conxunta.

Este convenio interrexional está consolidando o norte peninsular como un destino competititvo e de calidade. O turismo das catro comunidades autónomas rexistrou no primeiro cuadrimestre de 2016 un crecemento dun 8% de media xa que subiron tanto os viaxeiros aloxados en establecementos hoteleiros, que foron 2.193.868, como as pernoitas, un total de 4.056.889, segundo datos do Instituto Nacional de Estatística.



No hay comentarios: