A cadea hoteleira Marriot estivo n Centro Superior de Hostalería de Galicia
(CSHG) para
buscar alumnos que realicen as súas prácticas nos hoteis estadounidenses desta
empresa. O CSHG foi a única escola de todo o país
escollida para captar talento por esta empresa líder no sector con
máis de 4.100 propiedades e 19 marcas de hoteis e asociada a outros máis de
4.100 hoteis franquiciados e xestionados en todo o mundo.
 |
| Jessica Rey Dubra, primeira pola esquerda |
Así, a responsable do Programa Internacional
de prácticas das dezanove marcas de Marriott en Estados Unidos, Jessica Rey
Dubra, trasladouse desde a súa central en Texas ata Santiago de Compostela para
explicar aos alumnos do CSHG a filosofía da empresa e para captar novo talento
para os hoteis estadounidenses da empresa.
Jessica Rey Dubra
afirmou “estar impresionada polo nivel de inglés e profesionalidade dos alumnos
do Centro Superior de Hostalería de Galicia”. A responsable do Programa Internacional
de prácticas de Marriott EEUU sinalou ademais que a maioría dos alumnos teñen
algunha experiencia profesional que é difícil de atopar. “Eu viaxo por todo o
mundo e é moi difícil atopar rapaces e rapazas tan preparados, polo que temos
claro que temos que regresar a este Centro en próximos anos”, engadiu.