Valdeorras acolle un curso de atención ao cliente dirixido ás adegas con oferta de enoturiosmo.O primeiro curso acaba de celebrarse no Telecentro do Concello da Rúa dirixido a 15 hostaleiros e adegueiros que se apuntaron a esta primeira actividade formativa titulada “Atención ao cliente”. O Consello Regulador de Valdeorras colabora coa Escola de Turismo Itinerante na organización dos cursos na DO Valdeorras.
Durante o mes de decembro celebraranse os outros tres cursos e o prazo para apuntarse continúa aberto para adegueiros e hostaleiros da comarca a través da web do Centro Superior de Hostalería de Galicia. A Escola de Turismo Itinerante do Centro Superior de Hostalería de Galicia é unha entidade que depende de Turismo de Galicia e que se presentou na vila do Barco a semana pasada.
Atendendo ás novas esixencias do turista que visita o noso territorio o programa presentado ofrécelles aos establecementos de hostalería e adegas con enoturismo a oportunidade de mellorar a xestión dos seus negocios. Na programaciónofrécense dous cursos de atención ao cliente, outro de comercialización de produto e un cuarto de redes sociais.
As xornadas formativas gratuitas faranse no Telecentro do Centro Cultural Avenida de A Rúa os días 23 de novembro e os días 3, 10 e 14 de decembro. Serán de 4 horas cada unha delas con profesorado do Centro Superior de Hostalería de Galicia que se desprazarán ata a vila ruesa. Os interesados en apuntarse nestes cursos gratuítos teñen que enviar un correo electrónico a formacióncontinua@cshg.es co seu número de teléfono.