 |
| A conselleira na rula de Noia |
A facturación
das descargas de berberecho na lonxa de Noia medrou nun 40% en relación ao ano
pasado. Estes datos fan referencia aos 8 primeiros días de campaña marisqueira,
nos que a lonxa de Testal recibiu preto de 377 toneladas de berberecho, o que
supuxo un valor económico duns 3 millóns de euros, segundo afirmou a conselleira do Medio Rural e do Mar, Rosa Quintana.
As descargas
de berberecho destes primeiros días de campaña, que empezou o 14 de setembro,
supoñen uns 800.000 euros máis que no mesmo período de 2014, no que se
descargaron 169 toneladas deste molusco por un valor económico de preto de 2
millóns de euros. Estas cifras amosan ademais que as descargas de berberecho no
inicio de campaña incrementáronse nun 122% en relación á campaña anterior. Esta
especie representa o 97% das descargas de moluscos bivalvos na lonxa de Noia e
o seu valor económico supón o 95% dos desembarcos deste grupo.
Estas cifras
do berberecho fan que a evolución positiva se traslade ás descargas totais de
especies na lonxa de Noia, que no que levamos de ano aumentaron un 6% con
respecto ao mesmo período do ano pasado e o seu valor económico ascendeu en
preto dun 60%, ao pasar de algo máis de 2 millóns de euros a máis de 3 millóns
de euros este ano.