A IV edición das Xornadas de Portas Abertas das Rutas do
Viño de Galicia, que organiza a Axencia de Turismo de Galicia (antiga
Turgalicia), celebrase na comarca de Valdeorras os días 30 e 31 de maio. 11
adegas, tres aloxamentos e catro restaurantes pertencentes á Ruta do Viño
valdeorresa uníronse para non deixar pasar a ocasión de promocionarse dentro
destas xornadas nas que a base son as visitas gratuítas ás adegas e ás que se
lles engadiu o transporte tamén de balde. Este ano aumentáronse o número de minibuses
para que se poidan unir máis visitantes a coñecer as adegas. As reservas poden
facerse chamando ao 619086326 ou enviando un correo a
valdeorrasesvino@gmail.com.
Ademais haberá a segunda festa de portas abertas o día 30
pola noite, con venta especial de viño á
beira do río Sil, no Barco coa colaboración do concello e como novidade a
actuación do grupo valdeorrés de música tradicional: Tornaxeira. Este ano
engádese unha nova actividade ás Xornadas: un sorteo de comidas que estará
activo durante toda a fin de semana entre os que degusten os menús especiais.
As actividades están organizadas entre Turismo de Galicia e o colectivo Somos
Valdeorras, portas abertas formado por
membros da Ruta do Viño de Valdeorras e a guía enoturística, Soledad Figueroa.