Segundo unha sondaxe de opinión encargada polo mesmo PP, os
colectivos de empresarios, pescadores, veciños e hostaleiros están en contra
das gaiolas mariñas pola súa proximidade á costa. O PP según denuncia Pladesmapesga
é o primeiro en opoñerse as gaiolas e bateas depuradoras con mocións ben
fundamentadas e feitas por portavoces do seu propio partido, nas que piden a
retirada das bateas depuradoras, gaiolas de salmón, douradas e robalizas das
rías no litoral español, polo que o dito clectivo insta a súa retirada.
O Partido Popular, co fin de afianzar as súas acusacións,
achega fotos nas que se poden observar restos de gaiolas no fondo, materia
orgánica e acusa que modifica a contorna mariña habitual e especies
oportunistas que acoden a comer á zona. Pero as acusacións populares van máis
aló, ao afirmar que, as instalacións están nuns lugares de “alto valor
ecolóxico no que non se recomendou a súa localización” e agrega que se produce
un impacto visual que "incide de forma negativa sobre a actividade
turística da contorna onde se sitúan".
Segundo argumenta Pladesmapesga, a contaminación orgánica,
producida polas verteduras de pensos non inxeridos e polos refugallos dos
peixes, afecta o ecosistema máis próximo á piscifactoría ou a batea depurativa.
En conxunto, en torno ao 85% do fósforo, 80% do carbono e 52% do nitróxeno
introducido nas gaiolas pasa ao medio mariño a través da comida, excreciones
dos peixes e respiración.