Un total de 14 beneficiarios recibiron a
aprobación deste ano 2015 en Galicia, das axudas para o fomento das actividades
destinadas a mellorar a produción e comercialización dos produtos da
apicultura. O orzamento para estas subvencións ascendeu nesta convocatoria a
400.000 euros, cofinanciado nun 50% polo FEAGA da Unión Europea, nun 25% polo
Ministerio de Agricultura, Alimentación e Medio Ambiente e nun 25% pola
Consellería do Medio Rural e do Mar.
Os beneficiarios destas axudas son os
titulares de explotacións apícolas ou cooperativas dedicadas a esta actividade,
organizacións representativas e asociacións de apicultores inscritos no
rexistro oficial apícola da Comunidade Autónoma con anterioridade ao 1 de
xaneiro de 2014. Entre os gastos subvencionables figuran actuacións como a
asistencia técnica aos apicultores, a loita contra a varroase ou a
racionalización da transhumancia.
Esta convocatoria enmarcouse no programa de
mellora da produción e comercialización dos produtos da apicultura aprobado
pola Comisión Europea en 2013, con vixencia ata o ano 2016. No contexto deste
plan establécese un réxime de axudas destinadas a mellorar esta produción, con
participación financeira da propia UE, do Estado membro e da Xunta de Galicia.