A Feira do Viño do Ribeiro, que este ano alcanza a súa 52ª
edición, terá lugar os vindeiros días 1, 2 e 3 de maio de 2015, no recinto da
Alameda, en Ribadavia (Ourense), levou a cabo a súa presentación oficial na
cidade de Ourense. O Alcalde de Ribadavia, Marcos Blanco, destacou na
presentación do certamen a importante evolución e innovación dun evento, que
medra ano a ano e que se posiciona como o principal evento enoturístico de
Galicia recollendo actividades ligadas á cultura e ao mundo do viño tan
diversas como o “Brindis por todo o alto con Ribeiro”, a carreira popular
“Correndo entre Viñedos” ou as catas e obradoiros de cociña que terán lugar ao
longo da fin de semana.
Pola súa parte, Miguel Ángel Viso, presidente do CRDO
Ribeiro, sinalaba o feito de que con este evento faise, non só imaxe dos viños
do Ribeiro, senón tamén de territorio Ribeiro. Tamén fixo mención na
importancia de seguir levando a cabo accións que fomenten, dun xeito san e
razoable, o consumo de viño cada vez máis entre a poboación, polo cal se
realizan accións como a cata popular (cata a cegas, que pode facer o público,
de todos os viños presentes na FVR) ou o concurso de Escolas de Hostalaría de
toda Galicia, cuxa final terá lugar na tarde do sábado no recinto feiral.
Como membro destacado, ao ter a honra de ser o primeiro
cociñeiro que participou nos showcookings da Feira do Viño do Ribeiro, hai xa
catro anos, o chef do Restaurante Nova, con Estrela Michelin, Daniel Guzmán,
recoñecía a labor que se fai dende a Feira do Viño do Ribeiro de conxugar viño
e gastronomía, sobre todo con produtos endóxenos e recursos da terra, algo que
trasladan a seu restaurante, onde só ofertan viños galegos e no que destacan a
visita de moitos comensales que veñen de visitar adegas e que amosan o seu
interese pola maridaxe dos viños do Ribeiro cos diferentes alimentos.