Diferentes produtos galegos do mar (pertencentes ás áreas da pesca, conxelado, ultraconxelado, transformación, acuicultura, comercialización e conserva.) teñen presenza na European Seafood Exposition 2015, que
se celebra en Bruxelas desde hoxe ata o vindeiro xoves.
Das arredor de 40 empresas galegas presentes neste certame, 29 están albergadas
no posto de 447 metros cadrados que ten a Consellería do Medio Rural e do Mar nesta
feira considerada coma o maior evento sectorial do mundo no eido do comercio dos produtos marítimo-pesqueiros.
A European
Seafood Exposition é unha feira anual que se celebra no palacio de exposicións da capital comunitaria. Na
pasada edición participaron 1.635 empresas expositoras de 76 países e tivo máis
de 25.000 visitantes
Ademais dos produtos do mar, na feira tamén se
promoven sectores como o dos equipamentos e maquinaria para o procesamento
industrial, embalaxes e contedores, servizos relacionados co transporte e o
control da calidade e outros produtos complementarios.