Turismo de Galicia participa na feira ITB de Berlín,
o certame turístico máis importante do mundo, ao obxecto de promover a oferta
es os servizos turísticos galegos no mercado alemán, o segundo mercado emisor
máis importante para a Comunidade galega.
Neste evento
dedicado ao Turismo en xeral, Turismo de Galicia promoverá a ampla oferta
turística da Comunidade galega, facendo fincapé naqueles recursos e produtos de
especial interese para o mercado alemán, como é o Camiño de Santiago e o resto
de experiencias turísticas que ofrece Galicia cos seus correspondentes paquetes
de comercialización: a enogastronomía, a través do produto Paseando entre
Viñedos, o termalismo, con Mananciais de Galicia; o de
costa, con Turismo Mariñeiro; o patrimonio cultural, con Santuarios
Máxicos e Patrimonio Oculto; as praias; con Faros e Praias Salvaxes; a
natureza, coa Ruta da Camelia e Bosques de Galicia; así como as contornas máis
senlleiras do territorio galego a través dos Lugares Únicos.
A
participación neste certame permitirá influír no mercado turístico alemán, un
mercado emisor moi importante para a nosa Comunidade. Concretamente,
Alemaña é, despois de Portugal, o segundo mercado internacional máis importante
para Galicia. O pasado ano 2014, o mercado alemán supuxo o 2,3% do total das
pernoitas que se rexistraron na nosa comunidade.