Turismo de Galicia e a Asociación ‘Exceltur,
Alizanza para a Excelencia Turística” asinaron un convenio de colaboración para
a elaboración dun estudo de impacto económico do turismo en Galicia, “Galicia
Impactur 2014”. O dito convenio ten o obxectivo de
actualizar a estimación do impacto da actividade turística na economía da
comunidade seguindo a metodoloxía e procesos homologables de Exceltur que Galicia
ven realizando nos últimos anos.
O estudo calculará o impacto económico do
turismo cunha perspectiva global dos efectos que o turismo ten sobre o conxunto
de variables e decisións dos diversos axentes económicos da comunidade, ademais
de favorecer na súa toma de decisións. O estudo obterá valiosa información
sobre os niveis de consumo relacionados coa actividade turística, o coñecemento
e análise do conxunto de servizos turísticos, os vínculos existentes entre as
diversas ramas da actividade turística e o resto de sectores económicos da
comunidade, a identificación das oportunidades para mellorar a produtividade do
sector e a información sobre o emprego xerado, tanto directo como indirecto.
O presuposto estimado para a elaboración do
estudo é de 72.600€ dos cales Turismo de Galicia financiará o 50% e Exceltur o
outro 50%. O estudo realizarase en catro fases:
recollida de información e posta en marcha do proxecto, tratamento e análise da
información estatística, actualización de Impactur e elaboración do informe
“Impactur Galicia 2014”.