A directora de Turismo de Galicia, Nava
Castro, participou no acto institucional da Orde do Camiño no que se lle
concedeu a medalla de ouro da Orde á ministra de Turismo de Paraguai, Marcela Bacigalupo,
como recoñecemento á súa labor a favor da promoción e difusión do Camiño de Santiago.
Durante o acto, a directora de Turismo de
Galicia, Dama da Orde do Camiño, sinalou que no que vai de ano máis de 236.000
peregrinos percorreron xa algunha das rutas xacobeas, o que supón un
incremento, en relación ao mesmo período do ano pasado, de mais do 10%. Así mesmo,
afirmou que os peregrinos estranxeiros supoñen xa máis do 52% do total.
Nava Castro destacou a gran potencialidade
do Camiño de Santiago como elemento desestacionalizador do turismo e captador
de turistas internacionais. “É un referente de intercambio e interculturalidade
que converteuse nun dos fenómenos máis universais da civilización actual”
afirmou. Ao tempo, a directora de Turismo de Galicia incidiu na capacidade do
Camiño como catalizador do desenvolvemento turístico, social e económico dos
territorios que atravesa.