Un total de 29 meles amparadas pola indicación
xeográfica protexida Mel de Galicia e de 63 queixos das denominacións de orixe
galegas participan na XIII Cata dos
Meles de Galicia e na XVII Cata dos Queixos de Galicia de 2014, que arranca
mañá na sala de catas do Centro Integrado de Formación Profesional en Lamas de
Abade (Santiago). A entrega de premios terá lugar o día 12 de decembro.
Esta cata anual de meles e queixos de Galicia
está organizada pola Consellería do Medio Rural e do Mar en colaboración cos
consellos reguladores da Indicación Xeográfica Protexida Mel de Galicia e as
catro denominacións de orixe protexidas queixeiras e na edición deste ano
participan máis mostras que en anos anteriores.