As Pousadas de O Salnés, adxudicadas para a súaa xestión ao grupo Hotusa, estarán completamente listas para a
súa posta en funcionamento antes de que comece Semana Santa. Así o puxo de
manifesto o presidente da Deputación, Rafael Louzán, que anunciou a
adxudicación, na Xunta de Goberno desta mañá, do mobiliario para estes
establecementos.
A unión temporal de empresas integrada por Suministros
Técnicos de Galicia (SUTEGA) e Novavila Rías Baixas S.A. foi a gañadora do
concurso, cun orzamento de 1.411.939,10 euros e un prazo de subministración do
equipamento é de 70 días.
Así mesmo, Louzán lembrou que na actualidade 42 mozos e
mozas están formándose en hoteis de Alemaña e España no marco dos ciclos de FP
Dual postos en marcha pola Administración provincial, a Consellería de
Educación e a empresa, de forma que tamén se disporía de persoal perfectamente
formado para traballar nestes centros.