 |
| Tapas de una edición anterior |
O certame gastronómico PontedeTapas, que impulsa a
Concellería de Promoción Económica, Emprego e Turismo volverá a ocupar a axenda
pontevedresa entre o día 28 deste mes de novembro e o 8 de decembro. A cita, xa
tradicional na programación turística local, chega este ano consolidando a
aposta pola gala final e o fallo dun xurado profesional.
Carlota Román, a concelleira responsable desta iniciativa,
adianta que os prezos serán os mesmos: 1,50 euros para as tapas e 2,50 euros
para os cócteles. Os hosteleiros competirán nas modalidades de tapa tradicional
(elaboradas con produtos da terra) e creativa (centrada nas novas tendencias,
pero sempre a partir de produtos autóctonos).
Os gañadores nas dúas modalidades serán elixidos por un
xurado profesional. Ademais, haberá un único premio a partir das votacións dos
clientes para a mellor tapa e o mellor cóctel.
Mantense tamén a aposta pola promoción do PontedeTapas a
través dos medios de comunicación, a blogosfera e as Redes Sociais. Así pasarán
por Pontevedra case unha vintena de referentes da comunicación gastronómica na
Internet, xunto con caras coñecidas da TVG e do mundo da cultura.
A gala celebrarase o día 15 de decembro e alí elaboraranse
as tapas e cócteles finalistas en directo. O xurado profesional probará cada
unha das propostas e decidirá os tres vencedores en cada modalidade. Un xurado
que estará presidido por Javier Olleros (Culler de Pau e estrela Michelín) e
integrado tamén por Inés (responsable de Maruja Limón e participante no
programa de televisión Top Chef), Diego Mosquera (vicepresidente de Agaba e
mestre cocteleiro), Iván Domínguez (chef do grupo Alborada e estrela Michelín)
e,finalmente, Rubén Riós (actor e director).
obrigada durante esta ponte da
Inmaculada e a Constitución. O estómago o agradecerá.