Entre o 2004 e o 2014 o
Instituto Tecnolóxico para o Control do Medio Mariño, INTECMAR, participou nun
total de 23 misións de inspección en materia de control da calidade do medio
mariño en colaboración coa Oficina Alimentaria e Veterinaria da Unión Europea.
Estas inspeccións realizáronse en 20 países de Europa, América, África e Asia.
Entre eles atópanse México, Filipinas, Uruguay, Dinamarca, Chile, Vietnam,
China ou Corea do Sur. Enmárcase
na aplicación das disposicións legais en materia de control técnico sanitario
dos produtos do mar e foron realizadas por técnicos especialistas do INTECMAR.
O centro, dependente da Consellería do Medio Rural e do Mar, recibiu só
nos dous últimos anos un total de 407 visitantes agrupados en 34 delegacións de
diferentes científicos, estudosos, alumnos e representantes do eido marítimo-pesqueiro
de dentro e fóra de España para coñecer as súas instalacións e funcionamento.
Destas visitas, 13 tiveron lugar en 2013 e as restantes 21
no ano 2014. Entre elas, salientan as realizadas por delegacións de Noruega,
Chile, Xapón, Marrocos, Portugal, Venezuela, Italia, Angola ou Mozambique,
ademais de España.