O Grove acolle esta tarde o IX Encontro de Vilas Termais,
que busca impulsar o desenvolvemento destes concellos como destinos singulares
de saúde e benestar. A xuntanza de Vilas Termais que se celebra en O Grove
organizada pola sección de Entidades Locais con Augas Minerais e Termais da
FEMP e coa colaboración de Turismo de Galicia e e a Deputación de Pontevedra,
permitirá promocionar ás Rías Baixas como destino termal de relevancia, dándose
a coñecer entre os máis de 100 rexedores locais ou representantes de vilas
termais que se darán cita nel.
A provincia de Pontevedra conta con 6 vilas termais (Caldas,
Cuntis, O Grove, Mondariz, Tui e Vila de Cruces); 9 balnearios activos (nas propias vilas
termais), 4 Talasos, 11 Spas en hoteis, 7 servizos termais en casas de turismo
rural e 4 en centros urbanos sen aloxamento.
En total, preto de 3.000 prazas de turismo termal, cunha
oferta diversificada en Balnearios (con aguas mineromedicinais), Talasos (augas
marinas do océano Atlántico) e Spas,
pola que hai que seguir apostando como un piar máis dun sector estratéxico como
é o turismo.