Unha vintena de persoas asistiron en Barcelona á presentación da campaña ‘De Tapas por Galicia’, que entre os
meses de setembro e decembro se converterá nun dos principais atractivos para
visitar este outono as sete cidades máis importantes de Galicia e degustar a
súa mellor gastronomía. A campaña xa habçia sido presentada en Madrid.
A iniciativa, promovida pola Xunta de Galicia en colaboración cos
departamentos de turismo dos concellos das cidades participantes, concentra
baixo a mesma denominación os concursos gastronómicos que se desenvolverán ao
longo deste outono nas sete grandes cidades galegas: Concurso de tapas
Picadillo, da Coruña; ‘Tapéate Ferrol’; o Concurso de tapas de Lugo, o
‘Concurso de pinchos de outono sabores de Ourense’; ‘Pontedetapas’, de
Pontevedra; ‘Santiago é tapas’; e o ‘Concurso de tapas de Vigo Vello’.
Na presentación na
cidade condal, a segunda da campaña despois de que onte se
presentara en Madrid, participaron a directora de
Turismo de Galicia, Nava Castro, os concelleiros da área de turismo de Ferrol, Pontevedra e Santiago e os cociñeiros
Daniel López Vázquez, Iñaki Bretal e Lucía Freitas.