O presidente da Deputación de Ourense, Manuel Baltar,
recibiu hoxe no Pazo Provincial ao reitor da Universidade de Vigo, Salustiano
Mato, e ao vicerreitor do Campus de Ourense, Virxilio Rodríguez, acompañados
por representantes da Universidade de Tras os Montes e Alto Douro e do Instituto
Politécnico do Porto, cos que analizou a posibilidade de establecer liñas de
colaboración institucional, sinaladamente no ámbito do termalismo.
Os representantes académicos, que hoxe celebran en Ourense o
I Encontro interrrexional UTAD-IPP-Uvigo, trasladáronlle ao presidente do
goberno provincial o seu interese por facer do termalismo “un eixe estratéxico
de actuación para as tres institucións universitarias”, e para elo crearán un
grupo específico de traballo, ante o cal, Manuel Baltar ofreceu toda a
colaboración neste ámbito agradecendo o interese polo eido termal, e
explicoulles o Plan Termal Ourensán que na actualidade está a desenvolver a
Deputación de Ourense coa Xunta de Galicia.