Resultados da cata popular da Feira do Viño do Ribeiro

Os gañadores da cata popular da quincuaxéximo primeira Feira do Viño do Ribeiro forn, na categoría de Viños Brancos de Adegas Cunqueiro III Milenium 2.013, de Bodegas Cunqueiro, S.L. Pola súa banda, na categoría Viños Brancos de Colleiteiros, levou o primeiro premio Manuel Rojo 2.013 de Adega Manuel Rojo, S.L. e o viño Pazo Lodeiro 2.013 de Julio Vázquez Quintela acadou o segundo premio. Por último, na categoría de Viños Tintos o primeiro premio recaeu en Pazos de Albor 2.012 de Alfonso Albor Rodríguez e o segundo premio foi para Elisa Collarte 2.012 de Elisa Collarte Bernárdez.

Esta actividade, organizada polo Consello Regulador da D.O. Ribeiro, estaba dirixida ao público, que é o que catou e premiou aos mellores viños da feira. As marcas presentadas (18 viños brancos e 11 tintos) foron valoradas en cata a cegas, é dicir, sen coñecer a marca do viño que se está a probar.

Por outra banda, a receita do IES Paseo das Pontes “Cremoso de castañas e chocolate, caramelo de Ribeiro sobre sopa de uva” foi a gañadora da segunda edición do certame “Cociñar con Ribeiro”.  Os integrantes da brigada gañadora recibirán un recoñecemento ante o sector nos vindeiros Premios D.O. Ribeiro que se celebrarán a finais de xuño no Mosteiro de San Clodio.