O secretario xeral de Medio Rural e Montes,
Tomás Fernández-Couto, rexeitou a a
posibilidade de implantar un novo
imposto sobre o consumo do viño e así lle foi trasladado ao Ministerio de
Agricultura, Alimentación e Medio Ambiente, segín dixo no Parlamento de Galicia. Fernández-Couto confía na
predisposición amosada polo ministro Arias Cañete en que non se implante dito
xuro, xa que esta medida afectaría ás comarcas galegas nas que a viticultura é
unha actividade económica fundamental.
O secretario xeral sinalou que todo o que sexa
incrementar o custe do produto é negativo para a comercialización, tanto no
mercado interior como na exportación. Así, remarcou o traballo e apoio
constante por parte da Xunta a un sector básico e fundamental da nosa economía.
Por outra banda, a directora xeral de
Produción Agropecuaria, Patricia Ulloa, volveu a reiterar o apoio da
Consellería ás razas autóctonas, resolvendo a derradeira orde de renovación de
compromiso dos beneficiarios -por concorrencia competitiva- dotada con preto de
600.000 euros. Neste senso, Patricia Ulloa sinalou que se manteñen todas as
restantes liñas de axudas existentes para estas razas, que se traducen en
convenios coas asociacións xestoras dos libros xenealóxicos e axudas
agroambientais enmarcadas no Plan de Desenvolvemento Rural de Galicia.