O acordo pesqueiro acadado entre España e Portugal, valorado pisitivamente pola conselleira Rosa Quintana, establece regras de xogo
igualitarias e favorece que ambos países faenen en igualdade de condicións. Deste
xeito, os barcos españois e portugueses aplicarán as medidas técnicas do país
no que se realicen as pesquerías.
O acordo ampara
250 buques, dos que 110 son galegos e outros 50 teñen vínculo operativo con
Galicia. Ademais, segundo a titular de Medio Rural e do Mar, favorece a arrastreiros, cerqueiros e barcos de
artes menores.
Outro
aspecto positivo do acordo que citou a conselleira é que favorece que moitos
buques portugueses operen desde portos e lonxas galegas beneficiando
economicamente a Galicia. No eido das descargas, o acordo
contempla que os límites que rexan sexan os que estipule a organización de
produtores do porto no que se realice a descarga, independentemente da
nacionalidade do buque ou da zona na que se realizaran as capturas.